Një nga pikat e mia të forta por edhe më delikate, është fakti se nuk preferoj t’i fal njerëzit. Le të themi se nëse dikush luan me mua njëherë, ai do e bëjë përsëri. Përdoret shpesh shprehja: ‘U talle njëherë, turp për ty, u talle dy here, turp për mua’.
Atëherë përse ta marr mundimin? Përse të harxhoj kohë dhe energji për njerëz që kanë treguar se janë të gatshëm të më lëndojnë!?
Problemi i të qenurit një femër që nuk fal, është se shpesh e kap veten duke e parë perëndimin e diellit vetëm. Në fund të ditës je e vetmja që qëndron dhe të gjithë që të kanë lënduar, janë diku jashtë botës tënde. Asnjë nuk përpiqet t’i rregullojë gjërat.
Shpesh hidhesh poshtë nga shumë njerëz, dhe kështu e ke të pamundur të rimëkëmbësh besimin sërish tek të gjithë njerëzit e tjerë edhe pse ndonjëherë dihet se pritshmëritë që ke vendosur janë shumë më të larta seç duhet. Nëse dikush ia del që të të rifitojë sërisht, ju prap nuk do e harronit asnjëherë çfarë ka ndodhur.
Nëse të qenurit ‘ jo falëse’ mund të shmangë lëndime të njëpasnjëshme si diçka pozitive, ka edhe pjesë të paevitueshme negative sikurse dhe pesha e rëndë që ngelet në zemrën tuaj.
Ja 9 problemet më të mëdha që has një femër që nuk fal.
- Nëse dikush ju lëndon, ju nuk e harroni.
Nëse dikush prek interesat tuaja, për ju ai ka arritur kulmin e ofendimit. Që të falni dikë dihet se ai duhet të ketë shumë më shumë se një ‘më fal’. Ju keni nevojë për një gjest më të madh për të falur. Nuk harroni asnjëherë të prisni që personi i dytë të përdorë çdo mjet që ka në dorë për t’ju fituar mbrapsht. Nëse nuk ia dalin… ju jeni person që nuk harroni asnjëherë.
- Pritshmëritë tuaja janë shumë të larta
Ndonjëherë, kjo nuk ka lidhje me njerëzit, por me pritshmëritë që ju keni vendosur ndaj të tjerëve. Shpesh kërkoni më shumë seç duhet dhe prisni që të gjithë t’i kenë gjërat në vijë, ashtu si ju. Nëse ju do e bënit, përse dikush tjetër nuk do e bënte?
- Keni kaluar shumë eksperienca.
Ju kanë nënvlerësuar disa herë dhe prandaj durimi ka arritur kulmin. Qetësohuni, situata të tilla fatkeqësisht do të ketë gjithmonë, por puna është që ju duhet t’i përballoni pa u zhgënjyer më. Jeta ju ka bërë pesimistë, por kjo është OK, të gjithë kemi qenë aty dhe herë pas here surprizat nuk janë aspak të këndshme.
- Ju jepeni shumë pas çdo gjëje.
Besnikëri dhe dashuri gjithmonë, por nëse ju lëndojnë, ju nuk e keni aspak të vështirë që t’i jepni fund gjërave. Vendoseni gjithmonë mes dy ekstremesh: je me mua ose jo, asnjëherë nuk ka “midis” për ju.
- Mbartni me vete histori të vjetra edhe në lidhje të reja.
Është e vështirë të lësh pas çdo gjë që është kaluar, por një femër që nuk fal gjithmonë, e ka këtë zakon. Zakonisht krijoni lidhje të reja duke mbartur supersticione të shumta mbi veten dhe kështu prishni edhe situatat momentale. Nuk mund të ndiheni e lumtur me frikën e lëndimit. Këshilla më e mirë do të ishte t’i kthenit shpinën historive të vjetra, ndoshta do të fitoni shumë.
- Nuk harroni asnjëherë.
Memoria juaj është për t’u vlerësuar. Nga njëra anë kjo mund t’ju shërbejë për shumë situata përgjatë jetës, por nga ana tjetër do të rikujtoni sa herë situata kur një mik apo i afërm bëri një gabim kundrejt jush.
- Përdorimi i fjalës ‘më fal’ nuk ju vjen natyrshëm.
Të kesh këtë lloj natyre nuk është asnjëherë e lehtë dhe ju bën shpesh të dukeni person kokëfortë. Një nga gjërat më të këqija, është se mendoni se keni gjithmonë të drejtë. Duket mjaft e vështirë të kërkoni falje, kur zakonisht janë të tjerët ata që gabojnë. Por edhe pse mund t’ju duket fillimisht ofenduese, me kalimin e kohës do shihni se do të ndiheni shumë më mirë seç ndiheni kur këmbëngulni.
- Ju prisni më të keqen.
Mendoni se gjithmonë njerëzit përreth jush kanë qëllime të këqija. Kjo shpeshherë ndikon negativisht në lidhjet që krijoni. Është tmerrësisht e vështirë për ju që të bini pre e ndjenjave kështu. Keni tendencën e të humburit të miqve shpejt dhe instikti juaj mbrojtës, prish mundësitë për lidhje të reja.
- Miqtë shpesh nuk janë të sinqertë me ju.
Le ta pranojmë; askush nuk do t’ju tregonte se çfarë po ndodh me të vërtet, pasi e dinë se ju nuk i pranoni asnjëherë disa gjëra. Nëse një miku juaj ka bërë një veprim jo të mirë, ai mendon se ta fshehë atë nga ju, do të ishtë zgjidhja më e mire. Është si thikë me dy presa. Ju realisht e dini se nuk do i falnit.
Këshilla? Të gjithë gabojmë dhe fatkeqësisht shpeshherë bota mund të tregohet shumë e keqe duke mos i kthyer situatat gjithmonë në favorin tonë. Kështuqë… provojeni edhe një herë!
Burimi Elite daily
