Nëse deri më tani mendonit se të flirtuarit nis nga komunikimi, sot do t’ju tregojmë të kundërtën. Një seri studimesh tregojnë se gjuha e trupit është mjeti kryesor nga fillon ky art. Mënyra se si e takon një femër fillimisht, si i mban duart në tryezë apo kontakti i parë fizik me të janë të një rëndësie parësore dhe ne dëshirojmë që kur të shkoni në takimet tuaja të para, të keni parasysh se janë lëvizjet e vogla që bëjnë ndryshimin midis një takimi të sukssesshëm dhe një jo të tillë.
Takimi i parë i duarve
Tako duart me të gjithë meshkujt e tjerë kur takohesh – por asnjëherë mos i ofro dorën një gruaje nëse ajo vetë nuk tenton të drejtojë dorën e para. Nëse ajo drejton dorën drejt jush atëhere ju supozohet të takoni duart vetëm më dy deri në trë levizje lart posht. Mbani mend se ajo mund të ketë vënë unaza kështu që tregohuni i butë. Nëse ju pëlqen të jeni ‘old – school’ përsëri kujdes me puthjen e dorës; nëse nuk jeni nga Europa Perëndimore mos e bëni pasi femra mund të keqkuptojë qëllimet tuaja. Jepeni dorën tuaj kur ajo është duke dalë nga makina, varka, duke zbritur një shkallë kështu kontakti do të duket natyral dhe aspak i sforcuar dhe në momentin që ajo rifiton balancën lëshojëni dorën pasi mbajtja e duarve për shumë kohë është një veprim që pritet nga ana e saj.
Mos!
Mos e mbani asnjëherë dorën tuaj nën bërrylin e një femre. Femrës moderne nuk i pëlqën të jetë nën kontroll; ato e urrejnë këtë mënyrë agresive të të ofruarit të krahut dhe i duket mbytëse qoftë edhe nëse qëllimi është kalimi i një rruge makinash. Herët që duhet të mbani dorën kështu janë raste të rralla kur është absolutisht e nevojshme të ndihmohet.
Mënyra konvencionale e ofrimit të krahut tuaj
Periudha që krahu ofrohet edhe në shëtitjet më të vogla ka marrë fund. Ju e ofroni krahun tani vetëm në darka formale apo ballo të ndryshme, në raste të tilla ofroni krahun tuaj të djathtë, përkulni bërrylin dhe mbajeni atë paralel me tokën. Ajo e kalon krahun përtej tuajit dhe ju vazhdoni të ecni. Edhe gjatë kërcimi është e rëndësishme të keni parasysh se dora juaj e djathtë dhe drejtuese duhet të qëndrojë në shpatullën e saj në mënyrën më natyrale; kur pozicioni duket i sforcuar do të dukeshit si një kërcimtar jo i mirë.
Tregoni kontroll
Duart respektivisht i përkasin prehërit tuaj në një tavolinë; anash duke ecur apo duke qëndruar; dhe nuk është problem të jenë në xhep apo të kryqëzuara kur prisni. Por kujdes nga lëvizjet jo koshiente të tyre pasi ndodh shpesh të bëhen fyese për palën tjetër; kur duart janë në xhep edhe gjatë një bisede do t’ju bëntë të dukeshit arrogant dhe aspak të interesuar…një mashkull i sigurt flet gjithmonë me duar duke bashkuar vetëm majat e gishtërinjve.
‘Zonjat të parat’ jo gjithmonë funksionon
Shumë herë ky rregull moral i krijuar nuk vlen. Rasti më tipik do të ishtë kur kamarieri po ju drejton për në tavolinën që keni rezervuar, në këtë rast është rradha juaj të kaloni përpara saj dhe të drejtoni në tavolinë; ose në rastë të tjera shërbimi. Edhe në rast se nuk keni një pjesëtar të stafit t’ju drejtojë përsëri ecni përpara saj për të gjetur tavolinën e duhur. Kur rruga është e lirë dhe tavolina duket ‘zonjat e para’ vlen sërish.
Ndihmojeni me pallton
Sërish është një veprim që varet nga ajo. Por edhe në rastet më të vështira përpiquni të ruani butësinë duke mos i kryer veprimet shumë shpejt, asaj do t’i pëlqente të ndjente momentin e përkujdesjes që zgjat.Mbani parasysh që palltoja i duhet edhe kur të largoheni kështuqë lehtësojeni veshjen e palltos duke e mbajtur paralel me shpatullat dhe sërish mos nxitoheni që ta përfundoni veprimin shumë shpejt.
