Si çdo këshillë tjetër për të qenë më komodë në këtë sezon, duam t’jua lehtësojmë edhe dilemën e parfumeve, (mjaftojnë komplikimet e tjera). Duam të jemi të freskët, të lehtë dhe sigurisht të tërheqim vëmendjen. Këto janë fragrancat ku ju mund të gjeni veten për të patur suksesin e dëshiruar. Mos harroni, aromat janë shumë të rëndësishme! Ato tregojnë shumë, por më e rëndësishme është se si do të ndiheni ju. E veçanta e parfumeve është se ju jep ndjesinë sikur jeni me pushime në bregdetin e Mesdheut, me erën e limonit, bergamotit dhe jaseminit.
1.“Versace Eros Pour Femme”
Është ajo që ju rekomandohet në këto ditë të nxehta.
2.“Marc Jacobs”
Me ndjesinë e gardenias e myshkut, ju çon në ishujt Hawaii, “Marc Jacobs Mos Noir”.
3.“Lubin”
Me gjurmë të qitros, grapefrutit, bergamotit, trëndafilit dhe myshkut, do keni ndjesinë e pastërtisë dhe të një aromatizuesi të rrobave shumë të shtrenjtë, “Lubin Grisette”.
4.“Tom ford Fleur de Portofino”
Nëse vendosni këtë parfum do të merrni ndjesinë sikur po ecni në një rrugë plot me lule buzë detit. E mbushur me përzierjet e aromave të limonit, mandarinës, gardenias jeshile, mimozës, manjolës dhe vaniljes.
5.“Jimmy choo Blossom”
Do ndiheni sikur jeni në dollapin e Paris Hillton. Aromë e ëmbël, shndëritëse dhe shumë pink. Ka gjurmë të qitros, myshkut pink, manaferrës së kuqe dhe trëndafila bullgarë.
6.“Oscar de la renta Extraordinary”
Proseko rozë e ftohtë, këtë do të ndjeni nëse spërkateni me këtë parfum. Një përzierje shumë e këndshme si vetë prosekot e nerolit, manjolës, trëndafilave, orkidesë, vaniljes dhe qershisë.
7.“Stella Mc Carteney, Delicate”
E freskët si një dhomë e bardhë e mbushur me trëndafila rozë. Ky parfum vjen me një përzierje të mandarinës, limonit, violetës, amberit, trëndafilit bullgar, bozhures dhe Freesia e cila është një lule me aromë të veçantë dhe ngjyra të ndryshme.
8.“Burberry My Burberry”
Për një femër të sofistikuar dhe të pamohueshme, këshillohet “My Burberry” me kombinim të Freesias, bergamotit dhe trëndafilave të ndryshëm.
9.“Givenchy Dahlia Divin Eau de toilette”
Për t’u ndjerë si në një shportë me fruta dhe lule pjeshke, portokalli, jasemini, patçuli dhe vanilje.
*Publikuar në revistën “ICON”, nr.4
