Këshilla nga vetë flokëkuqet të cilat më mirë se çdokush do e kuptonin atë që ju kaloni përditë. Këto këshilla të shkurtra do ju bëjnë t’i vlerësoni dhe t’i doni edhe më shumë flokët tuaj të kuq e të shëndetshëm.
1- Përdorni një shampo për flokë të lyer.
Prioritet për flokëkuqet është t’i mbajnë flokët në një pamje sa më të gjallë dhe për këtë do të ndihmonte një shampo e posaçme. Ky proces do të ndodhë shumë natyrshëm gjatë kohës që jeni duke bërë dush.
2- Mbrojini nga dielli.
Dielli e dëmton dhe e zbeh gjithmonë flokun e kuq, qoftë ai natyral apo i lyer. Për këtë arsye duhet të mbani kapelë ose të përdorni krem mbrojtës nga dielli për flokë.
3- Mos i neglizhoni asnjëherë flokët tuaj.
Duhet t’i përkushtoni kohë për t’i përkëdhelur me maska natyrale çdo javë. Vajërat i mbajnë flokët të shëndetshëm dhe të shndërritshëm.
4- Përdorni copa mikrofibër në vend të peshqirit.
Pasi lani flokët, përdorni material mikrofibër dhe jo peshqir, pasi ky i fundit mund të jetë shumë i ashpër dhe i dëmton flokët. Për të kursyer, mund ta zëvendësoni peshqirin, thjesht me një bluzë 100% pambuk.
5- Flini mbi këllëfë jastëkësh të mëndafshtë.
Flokët e kuq shquhen për elektrizim, më lehtë se flokët e tjerë dhe çdo lloj materiali tjetër, përveç mëndafshit, do i ngatërronte ose fërkonte duke i dëmtuar. Mëndafshi lëviz me flokët dhe jo në të kundërt.
6- Lajini më rrallë.
Në varësi të flokëve tuaj, çdo 2-5 ditë do të ishte ideale që t’i lanit. Investoni në një shampo të thatë për flokë të kuq, në mënyrë që të zgjasni periudhën midis larjeve.
7- Mos përdorni asnjëherë aksesorë për flokë brunë ose bjond.
Ato mund të kenë përplasje me flokët tuaj fantastikë. Përdorni kapëse apo llastiqe për flokët e kuq.
8- Vizitojeni më shpesh sallonin e bukurisë.
Mund të shkoni për ndonjë shkurtim apo heqje të majave të dëmtuara çdo 6-8 javë ose dhe thjesht për të dëgjuar se sa të bukur e keni ngjyrën.
9- Mbajini plot konfidencë.
Floku i kuq është ngjyra më e veçantë në botë, përqafojeni dhe dashurojeni. Inspirohuni nga “Sirena e vogël” dhe luani me to sa të mundeni.
