Michael Kors prezantoi koleksionin Vjeshtë 2016 mëngjesin e së mërkurës në New York para audiencës, përfshirë Blake Lively dhe Olivia Munn.
Në modën tipike të Kors, shfaqja kishte një ndjenjë ritmi, e mbushur me një lloj ndriçimi, që fansat e Kors e dashurojnë.
Koleksioni ishte një fokus i vendosur te lëvizja. Zbuloni çdo gjë që duhet të dini rreth eventit të Kors.
1.Klientët e përhershëm të Kors Blake Lively, Olivia Munn dhe Naomie Harris u ulën në rrallë të parë, të gjitha të veshura nga Michael Kors.
2.Freja Beha Erichsen hapi shfaqjen e veshur me pallto të shkurtër ngjyrë blu, një bluzë të bardhë e lidhur te qafa dhe pantallona xhinse me thekë.
3.Copat me thekë vazhduan më pas gjatë shfaqjes, me një xhaketë me mëngë treçerekëshe dhe një fund poshtë gjurit, të veshur nga Imaan Hammam.
4.Ishte një ditë e mirë për këmbët nga Michael Kors, ku modelet u shfaqën të veshur me një minifund dhe bluzë me jakë.
5.Kendall Jenner eci në shfaqje me një fustan të shkurtër metalik me detaje unaza metalike. Prapaskenave, ajo pozoi për Kors, e cila mbante në dorë një letër ku shkruante: “Ju keni stilin më të mirë personal”.
6.Çdo modele kishte një stil personal flokësh që varionte nga gjysmë të ngritura, gërshetat dhe bishtalecat.
7.Kors gjithmonë i ka dashur pelushët, këtë sezon i ka zbukuruar me lule.
8.Disa nga koleksionet për meshkuj Vjeshtë 2016 u shfaqën në pasarelë.
9.Kors gjithashtu adaptoi disa modele “shiko tani, bli tani”, duke ofruar 7 pjesë veshjesh, 6 aksesorë, 2 stile çantash dhe 2 stile këpucësh, për t’u blerë në sajtin e tij dhe në dyqanin në Madison Avenue.
Burimi: Vogue
