Mbrëmjen e djeshme, Sarah Burton paraqiti koleksionin e ri të Pranverës 2017 për Alexander McQueen.
Në sfilatën e frymëzuar nga ishujt Shetland të Britanisë së Madhe, morën pjesë emra të njohur të Hollivudit dhe modës, si Naomi Campbell apo Salma Hayek. Më poshtë janë nëntë gjëra që duhet të dini për sfilatën e Alexander McQueen Pranverë 2017.
Ftesa për pjesëmarrësit në sfilatë ishte krijuar nga një figurë e printuar në atelierin RLD Paris, që përshkruan një grua të egër me lule të varura në flokët e saj.
Modelet përshkuan një dysheme të mbuluar nga mëndafshi me motive të ishujve Shetland të dizajnuar nga shtëpia e dizajnit M / M Paris.
Modelet me flokët e tyre të lagësht, të ndarë dhe të hedhur pas, dukeshin sikur kishin dalë nga një kënetë.
Sfilata u hap nga një modele bionde që kishte veshur një pëlhurë në ngjyrë kremi e punuar në grep dhe një xhaketë ushtarake të shkurtër lëkurë të zezë.
Propozimi i radhës i Burton ishin një palë çizme “must have”, që “duhet t’i keni” me patjetër këtë sezon, me motive luftarake.
Ndërthurja e florës dhe faunës në veshjet e McQueen janë bërë motivi më i përdorur i firmës, ashtu siç duken në foton e mëposhtme të Vittoria Ceretti.
E veçanta e koleksionit ishte një triko e leshtë e punuar me ngjyra të ndezura dhe forma gjeometrike.
Dizajnuesja kombinoi dy nga stilet e kundërta që janë xhaketa e zezë e lëkurës dhe fustani i hollë tyl me lule të printuara.
Sfilata u mbyll me një paraqitje klasike të një fustani të gjatë prej tyli të punuar me fruda dhe xixa.
Burimi: Vogue
