Ka shumë mënyra për ta përshkruar seksin: emocionues, fuqizues, drithërues! E vutë re që nuk e përdorëm fjalën “i dhimbshëm”.
Kur seksi nuk ju jep kënaqësi, shpesh mund të sinjalizojë diçka më të madh, si një infeksion bakterial ose probleme psikologjike.
Por Terri-Ann Samuels sqaron se ka disa arsye pse seksi mund të jetë i dhimbshëm.
Nuk jeni të lubrifikuar mjaftueshëm.
Edhe pse vagina juaj është një vetë-lubrifikues natyror, nëse nuk keni krijuar para seksit atë situatën e ledhatimeve apo nëse jepni gji ose jeni në menopauzë, mund të vuani nga thatësia gjatë marrëdhënieve seksuale. E gjithë kjo mund të krijojë një situatë të panevojshme midis dy organeve gjenitale, kështu që gjithmonë ia vlen të kaloni më shumë kohë para se të hyni në akt ose të merrni parasysh përdorimin e lubrifikantëve.
Jeni alergjike ndaj lodrave të seksit.
Lodrat e seksit janë ende një tabu në Shqipëri, ndaj kur të lexoni këtë shkrim mund ta quani edhe të “shpifur”. Por gjithsesi duhet të dini diçka shumë të rëndësishme: nuk mund të shkosh në dyqan dhe të blesh gjënë më të lirë në raft. Lodrat e seksit janë bërë me kimikate të ndryshme, të cilat mund të dëmtojnë bilancin e pehashit të vaginës, e njëjta gjë vlen edhe për produktet si prezervativët. Nëse ndjeni ndonjë lloj acarimi pas përdorimit, përpiquni të përdorni produkte me bazë “natyrale”.
Keni qime që rriten nën mish.
Ndonjëherë depilimi i zonës së bikinit, mund të bëjë që qimet të rriten nën mish. Nëse ndjeni djegien, aplikoni një krem për qetësimin e lëkurës dhe prisni.
Keni një mosfunksionim seksual.
Po, ndonëse shpesh nuk flitet për këtë, disa femra (shpesh në adoleshencë ose në fillim të të 20-tave) përjetojnë një çrregullim të njohur si vaginizëm, ku muskujt në pjesën e vaginës ngushtohen gjatë seksit në mënyrë të pakontrolluar dhe e bëjnë penetrimin të dhimbshëm ose të pamundur.
Dhimbjet gjatë seksit gjithashtu mund t’i atribuohen fibrave nervore hiperaktive rreth vaginës.
Këto mosfunksionime shpesh mund të kenë një sfond psikologjik që lidhet me abuzimin ose traumën. Terapia fizike është hapi më i madh drejt rimëkëmbjes.
Po provoni pozicionin e gabuar.
Fajësoni librat e “Kama Sutra”-s sesi ia dalin që të bëjnë gjithë ato pozicione duke shtrembëruar trupat. Është gjithmonë mirë të eksperimentoni dhe të devijoni nga rutina, por pozicioni “Churner Butter” (kërkojeni në “Google”) mund të mos bëhet nga të gjithë.
Sapo keni lindur.
Së pari, nëse epshi juaj kthehet pas lindjes, bravo. Por kujdes: Trupi do disa kohë që t’i rikthehet lavdisë së tij të mëparshme. Disa mjekë sugjerojnë një pushim nga katër deri në gjashtë javë pas lindjes, por gjithçka varet nga individi.
Madhësia e organit gjenital të mashkullit.
Asnjë djalë nuk ka një organ gjenital aq të madh për të mos mbajtur një prezervativ. Por kur bëhet fjalë për penetrimin, mund të mos i përshtatet organit gjenital të femrës. Në njëfarë kuptimi, ju duhet të “hiqni dorë” duke provuar lëvizje seksuale të thjeshta fillimisht.
Nuk keni kryer marrëdhënie seksuale për një kohë të gjatë.
Cilado që të jetë arsyeja e dimë që rinisjen e keni të vështirë. Nuk po themi që duhet ta shënoni seksin në axhendën tuaj javore, por e dimë se është krejtësisht normale që të dhembë nëse nuk e keni provuar që nga sezoni 1 i “Game of Thrones”.
Je e virgjër.
Nëse nuk keni kryer marrëdhënie seksuale, hera e parë do të jetë relativisht e pakëndshme.
