Ky 8 mars është më i bukuri për Sara Hoxhën! Këtë vit ajo feston për herë të parë si nënë, pasi në dhjetor solli në jetë një vajzë. Sot nënë e bijë janë bërë bashkë me vajza e gra të tjera për të dhënë një mesazh shumë të veçantë për 8 mars.
Sara Hoxha ka publikuar në Instagram një video shumë domethënëse, pjesë e së cilës është bërë edhe vetë ajo. Madje në një pjesë shfaqet silueta e saj teksa ngre në krahë të voglën Poem Blu. Kështu nënë e bijë janë bashkuar me vajza të tjera për t’ju rikujtuar se duhet ta vlerësojnë e respektojnë veten për të marrë në këmbim të njëjtën gjë nga të tjerët.
“Lëre buzëqeshjen tënde të ndryshojë botën”, shkruhet në fund të videomesazhit.
View this post on Instagram
Ky videomesazh është shpërndarë me shpejtësi dhe është pëlqyer shumë nga të gjithë ndjekësit e Sarës.
Prej 2 muajsh Sara Hoxha dhe Ledri Vula janë të bekuar me një vogëlushe, që ka ndryshuar plotësisht jetën e tyre. Poem Blu erdhi në jetë pak ditë para mbërritjes së Vitit të Ri dhe për çiftin e njohur ishte si një dhuratë e vërtetë nga Zoti. Tashmë Poem ka rrëmbyer edhe zemrat e fansave të mamit e babit dhe sot është një nga bebushet më të ndjekura të showbizit.
