Java e Modës në Milano nisi me shfaqjen e Gucci-t dhe përfundoi në një mënyrë festive me atë të “Dolce & Gabbana”-s, të kompletuar me printime “spagetti”, domate, peshq, pica dhe lulesh. Të dyja shfaqet ishin të shkëlqyera. Kishte koleksione të mrekullueshme, tetë prej të cilave më të arriturat, përfshirë katër të realizuar nga femrat.
1.Versace
Donatella Versace manifestoi fuqinë e femrës me veshjet atletike, përmes bashkëpunëtores së saj, DJ Violet, që fshihet pas kolonës zanore, ndërsa për të modeloi kasti më i mrekullueshëm. Është një shtëpi mode e njohur për veshjet e mbrëmjes, por kthimi i vëmendjes në veshjet e përditshme duket se i ka dhënë energji Versace-s. Kishte trupore, streçe, si edhe fustane të zbukuruara me kristale.
2.Bottega Veneta
Tomas Maier mori çmimin për momentin më prekës të javës, kur ai solli ekipin e tij në skenë në fund të shfaqjes, ku festoi dy përvjetorë. Maier festoi përvjetorin e tij të 15-të në shtëpinë e modës, e cila në të njëjtën kohë mbushi 50 vjet. Momenti i dytë më i paharrueshëm i javës? Kur 72-vjeçarja Lauren Hutton, shkëlqeu ndërsa mbante një çantë BV, që kishte si aksesorë në American Gigolo në 1980-n.
3.Marni
Koleksioni erdhi me detajet e tij unikë nga Consuelo Castiglioni. Një nga veshjet më joshëse ishte fustani kadife me pika i mbledhur në mënyrë të çrregullt me elegancë.
4.Gucci
Alessandro Michele është njeriu më me ndikim në modë. Personi kryesor i “Gucci”-it bëri një hap të madh përpara, duke gërmuar më thellë në imagjinatën e tij. Ndikimi i tij nga Hollywood Forever Cemetery ishte i papritur.
5.Etro
Koleksionet e Veronica Etro janë një nga kënaqësitë e qeta të Milanos. Ajo është një dizajnuese e njohur për stilin e saj. Ky sezon është për kaftanët luksoz prej mëndafshi. Në një moment kur dyqanet janë plot me gjëra të tilla, ato të Etro-s janë më pak në stilin e kostumeve dhe më të dëshirueshme.
6.Prada
Miuccia Prada shikoi prapa për koleksionin e pranverës. Koleksioni i saj i ri risolli stilin e vjetër minimalist të viteve ’90, printimet retro, pantallona të shkurtra të çuditshme, por të mrekullueshme dhe detajet e veçanta. Ylli i vërtetë i shfaqjes, ishin pizhamet Prada mëndafshi ngjyrë të verdhë.
7.Fendi
Duke ardhur me një shfaqje të bujshme “Haute Couture” në shatërvanin Trevi të Romës, Karl Lagerfeld dhe Silvia Venturini Fendi ishin në gjendjen më të mirë. Ky koleksion të sillte një ndjesi përrallash, materialet e holla, printimet delikate me lule dhe veshjet si të brendshme.
8.Dolce & Gabbana
Domenico Dolce dhe Stefano Gabbana janë të përkushtuar në të njëjtën kohë për të ruajtur të kaluarën e Italisë dhe për të treguar të ardhmen. Dyshja solli kuzhinën dhe kulturën bregdetare. Ishte momenti më emocionues kur modelet u shfaqën me nënshkrimin e dizajnëve D&G në veshje.
Burimi: Vogue
