Propozimi për martesë që një mashkull mund t’i bëjë një femër kërkon shumë kohë përgatitje. Nuk është aspak e lehtë që një djalë të marrë këtë hap, veçanërisht nëse ai do që të surprizojë të dashurën e tij.
E para dhe më kryesorja është blerja e unazës. Pastaj përpos unazës vijnë edhe 1000 pyetje të tjera në lidhje me unazën, si për shembull: A është e duhura? A i bën? Ku duhet t’ia vendos? Të ulem në gjunjë? Më poshtë mund të shihni 8 gjërat që i mendon një djalë para se të propozojë një vajzë:
A do ta pëlqejë unazën apo do ta urrejë? Ka kaq shumë forma, modele, bizhuteri me ose pa gurë të çmuar sa që e bëjnë konfuz një djalë që kërkon të blejë një unazë për propozim.
A po ndodh me të vërtetë kjo gjë? Pasi e ka blerë unazën dhe e ka gati fjalimin, një mashkull mund të bëhet konfuz nga rëndësia e ngjarjes dhe e ardhmja që e pret.
A do të më thotë “Po”? Pavarësisht sa i sigurt mund të jetë për dashurinë e partneres, ka gjithmonë një hije dyshimi nëse ajo do të pranojë të martohet.
Mos jam treguar “kurnac” dhe nuk kam shpenzuar sa duhet? Pavarësisht se mund të ketë harxhuar gjithë rrogën, gjithmonë një djalë pyet veten nëse ka shpenzuar sa duhet, apo më shumë seç duhet.
A mund ta përballojmë dasmën? Pas unazës vijnë edhe 100 gjëra si festa pas fejesës, dasma, dhuratat, lokali, të ftuarit, fustani etj.
A është kjo gjë aq romantike sa duhet? Akti i propozimit jo gjithmonë përfundon siç duhet dhe nga meshkujt kërkohet gjithmonë pak kurajë dhe romancë.
Do ia vendos unazën në gishtin e duhur? Pasi të kesh gjetur madhësinë e duhur për një unazë, pyetja është ku do t’ia vendos? Mos ngatërrohem…
A mund të fillojmë të dehemi tani! Pasi propozimi ka mbaruar me sukses është koha për t’u dehur dhe për të kontaktuar të gjithë për t’u dhënë lajmin e mirë.
