Sipas INSTAT, kemi rreth 570 mijë të rinj e fëmijë më pak se dy dekada më parë!
Në vitin 2022 grupmosha 0-24 vjeç përbënte vetëm 30% të popullsisë, nga gati 50% që ishte në 2011.
Efektin më të madh po e jep emigracioni, që pas vitit 2016 është përshpejtuar, me mbi 70% të të ikurve që janë të moshës nën 24 vjeç.
Rreth 17 mijë studentë studiojnë jashtë vendit dhe nuk kanë ndër mend të kthehen, ndërsa problematikat nisin që me sistemin e edukimit.
Sipas të dhënave të fundit nga PISA 2022, Shqipëria pozicionohet e parafundit në rajon për aftësitë e nxënësve për lëndën e matematikës, leximit dhe shkencës, të cilat janë përkeqësuar.
Shumë familje të shtresës së mesme po largohen, duke zgjedhur të sakrifikojnë për të arsimuar fëmijët e tyre jashtë vendit. Financimet e qeverisë për arsimin, duket se paraprijnë rënien e cilësisë së shkollimit.
Mungesa e investimeve në kapitalin human është një nga arsyet kryesore, që jo vetëm po demotivon të rinjtë, por dhe po ndikon negativisht në produktivitetin e ekonomisë.
Shqipëria vijon të ketë pagën mesatare më të ulët në Europë. Vendet e reja të punës vijojnë të jenë më së shumti në sektorë të pakualifikuar.
Klasa politike, e mbërthyer në skandal pas skandali, nuk po ngjall më shpresë për rininë shqiptare!
