Nëse ke vendosur të rikthesh trupin tënd në formën e dëshiruar, atëherë bashkohu me partnerin dhe angazhohuni të hani shëndetshëm e të stërviteni rregullisht. Një studim i ri thekson se keni më shumë shanse për të humbur në peshë, nëse gruaja apo partnerja juaj po bën gjithashtu ndryshime në mënyrën e saj të jetuarit shëndetshëm.
Studiuesit kanë vëzhguar ecurinë e çifteve për një periudhe 4-vjeçare dhe kanë vënë re se kur njëri partner ka rënë në peshë, partneri tjetër ka tre herë më shumë gjasa për të bërë të njëjtin ndryshim, ndryshe nga ata çifte që qëndrojnë gjithmonë në të njëjtën peshë. Me sa duket, këto këshilla janë të vlefshme dhe po i ndjekin edhe disa nga çiftet më të njohur të ekranit shqiptar.
“Iconstyle.al” ju sjell disa prej tyre:
Bieta Sulo dhe Alban Dudushi
Bieta Sulo njoftoi pak ditë më parë se ishte koha të niste palestrën pas një viti ushqyerje me gji të djalit të saj KroiArt. Por moderatorja nuk qenka vetëm në misionin e saj për t’ u bërë elegante, pasi atë e shoqëron edhe partneri Alban Dudushi.
Orinda Huta dhe Turjan Hysko
Orinda Huta dhe Turjan Hysko stërviten në të njëjtën palestër, edhe pse ndonjëherë oraret nuk përshtaten dhe nuk rastisin të jenë bashkë, të paktën për një foto.
View this post on Instagram
Ninxhat e Partizanit në Suncrossfit #supergirls #voleyball #volleyballgirls #CROSSFIT
Tuna dhe Patris Berisha
Dashuri dhe fitness e quan Patris Berisha kohën e stërvitjes gjatë së cilës e shoqëron bashkëhsortja Tuna.
Sara Hoxha dhe Ledion Liço
Sara Hoxha dhe Ledion Liço gjithashtu kanë treguar se ushtrohen bashkë. Para dasmës ajo publikonte foto ku shfaqej bashkë me Ledionin teksa ushtroheshin për të tonifikuar trupin. E ku ka më mirë sesa të kesh partnerin në palestër?!
Getoar Selimi dhe Marina Vjollca
Getoar Selimi dhe Marina Vjollca nisën të ushtrohen bashkë pak javë para se të bënin dasmën madhështore. Çifti menduan se e kishin të nevojshme stërvitjen për të pasur një figurë të mirë në ditën e tyre më të rëndësishme, dhe sfidën e kaluan bashkë në të njëjtën palestër.
Gerd dhe Eneda Vaso
Një çift që stërvitet bashkë është edhe Gerd dhe Eneda Vaso, të cilët për shkak të profesionit të balerinëve, e bëjnë bashkë nxemjen. Ata shihen kudo bashkë dhe jo vetëm për hir të profesionit.
Aulona Musta dhe bashkëshorti
Aulona Musta dhe bashkëshorti gjithashtu bëjnë palestër bashkë për të pasur një trup në formë. Çifti janë parë teksa frekuentojnë të njëjtën palestër. Aulona iu përkushtua fizikut të saj për ta kthyer në formë që pas lindjes dhe për të arritur këtë, e shoqëron partneri, mbështetja e saj më e madhe.
Lind Islami dhe Venera Lumani
Lind Islami dhe Venera janë një tjetër çift që e shoqërojnë njëri-tjetrin në palestër. Edhe pse janë të dy në formë dhe nuk kanë nevojë të rrëzojnë kilogramë të tepërt, Lindi dhe Venera kujdesen për linjat dhe sekreti qenka shoqëria e njëri-tjetrit.
Burimi: Iconstyle.al
