Pjesëmarrja e një 7-vjeçari nga Kosova, Rrezar Berisha, ka qenë mjaft e suksesshme në një nga emisionet më të ndjekura në Belgjikë, “Belgium’s Got Talent”. Konkurrentët duhet të tregojnë talentin e tyre në çdo fushë që dëshirojnë dhe më pas juria vendos nëse ata vlejnë ose jo.
Djaloshi ka bërë “beatbox” dhe ka kërcyer “brake dance” duke lënë gojëhapur jurinë dhe e ka bërë publikun të ngrihet në këmbë. Ai ka shfaqur një natyrë mjaft karizmatike dhe ka qenë shumë i qetë teksa i ka kthyer edhe përgjigje me humor anëtarëve të jurisë, të cilët vendosën unanimisht ta kalojnë Rezarin në stadin tjetër të garës.
