Reperi i njohur shqiptar, Lyrical Son dhe bashkëshortja e tij, Gresa janë një ndër çiftet më të dashura për publikun shqiptar, të cilët asnjëherë nuk janë rezervuar për marrëdhënien në familje.
Ditën e sotme, ata festojnë plot 7 vite martesë që nga dita që i thënë “po” njëri-tjetrit. Këtë ditë speciale e kujtoi vetë Gresa përmes një postimi në Instagram, ku zgjodhi fotot dhe fjalët më të ëmbla për dashurinë e saj.
“Dashuria ime, kanë kaluar 7 vjet nga martesa jonë ëndërrimtare. Unë jam vajza më e lumtur në botë, faleminderit. Të dua”, ka shkruar ajo.
Vazhdimisht në rrjete sociale, reperi tregon se është një tip tepër familjar. Në llogarinë e tij në Instagram, shumicën e postimeve e zënë fotot me bashkëshorten dhe dy vajzat, Eva dhe Erika.
Lyrical Son është tepër i dhënë pas vogëlusheve dhe jashtëzakonisht romantik me partneren e tij, Gresën. Hera-herës shohim dedikime të ëmbla e fjalë të bukura dashurie për bashkëshorten e tij.
View this post on Instagram
Më herët ai ka folur rreth një prej periudhave më të këqija në jetë. Lyrical Son ka rrëfyer se në fillim të shtatzënisë së parë Gresës i është kërkuar të abortojë, por fatmirësisht kjo nuk ndodhi.
“Kur kemi marrë vesh që Gresa është shtatzënë, lajmin e parë e kemi marrë vesh në Prishtinë, dhe po thoshte është pak e dyshimtë, mi preu këmbët ajo gjinekologia, por nuk është ndonjë gjë pas 2-3 jave e kontrollojmë edhe njëherë dhe më pas shkuam edhe te një gjinekologe tjetër. Ajo i tha që ‘ti ke qesen e fëmijës, por embrion nuk ke, nuk ka fryt’, kështu që duhet të bërë abort. Edhe pse ishte fillimi, ai lajm ishte i keq dhe askush nuk do donte ta dëgjonte atë lajm”, ka thënë Lyrical Son.
