Sa për dijeni, vera e 2018-s nuk ka një ngjyrë të sajën që të kthehet në trend. Ky sezon vjen plot ngjyra dhe kombinime të larmishme ndaj të cilave askush nuk mund të qëndrojë.
Fashionistat shqiptare sjellin trendet më të fundit kur është fjala për kombinimet. Nga çiklamina te ngjyra jeshile e ullirit, sipas tyre ka një mori zgjedhjesh për ngjyrat e vitit 2018.
Dhe duke pasur kaq shumë ngjyra, ka dhe shumë kombinime të përkryera që mund t’i shihni më poshtë:
Lori Hoxha
Bezhë/ e bardhë/ e kuqe
E kuqja është një ngjyrë që shumë e kanë frikë, megjithatë një aksesor në këtë ngjyrë mbi një fustan në ngjyrë të bardhë duket shumë elegant nëse kombinohet me pjesën tjetër të veshjes apo aksesorëve në ngjyrë bezhë të lehtë.
Anxhelina Kotorri
E kuqe/ polka dots bardh e zi/ rozë
Veshjet me pika bardh e zi bien më tepër në sy nëse i kombinon me aksesorë në ngjyrë te ndezur si e kuqja apo roza.
Odeta Banushaj
Bojëqielli/ e bardhë/ kafe
Kur qëndrojmë te ngjyrat neutrale si e bardha dhe kafja kombinimi duket i thjeshtë deri sa shton pak ngjyra qielli si bojëqielli.
Sarah Berisha
Bezhë/ çiklaminë/ kuadrata të bardha me blu
Çiklamina dhe kuadratat blu me të bardhë bëjnë bashkë kombinimin e ngjyrave më të pashmangshëm këtë verë.
Linda Dido
E kuqe/ blu/ jeshile ulliri
Duken si ngjyra që s’kanë lidhje me njëra tjetrën por një fustan në ngjyrë jeshile ulliri, do të dukej më i freskët me disa aksesorë në ngjyrë të kuqe dhe blu.
Alba Hodo
Kafe e errët/ kafe e çelët/ e zezë
Ky njihet si kombinimi më i kushtueshëm i ngjyrave të vitit 2018. Kafja në vetvete është një ngjyrë “pasanikësh” që tregon mirëqenie.
Arjena Duçi
E bardhë/ rozë/ e kuqe
Një palë këpucë të kuqe, pantallona rozë dhe këmishë e bardhë bëhen kombinimi më i ëmbël i verës.
