Olsi Bylyku është një nga personazhet që brenda një kohe të shkurtër mori shumë famë. Ishte dalja e tij e parë në Portokalli me rolin e “Kimikatit”, që e bëri mjaft të njohur dhe sot ai është një nga personazhet më të ndjekur.
Së fundmi ai ka qenë i ftuar në emisionin “Expuls” ku tregoi përjetimet gjatë skenës së puthjes në buzë me Albano Bogdon në filmin “Falco”.
”E kisha harru… Ajo skena është bërë nja 6 herë. 6 herë në buzë me Albanon. Kur u bë e shtata, fillova tu e pa iher. Bano thashë, avash avash. Se Albano s’e kishte problem, mezi priste skenën. O vlla thashë, me terezi. E bukura është se bëmë 6 dubla dhe morën dublën e parë. I kam mbajt buzët mbyllë, i thashë më puth baby kiss. Ai nuk ndalonte, unë ja bëja me sy ik”, u shpreh ai.
Gazetari e pyeti më tej nëse kishte pasur ndonjë grimcë homoseksualiteti gjatë puthjes dhe Olsi iu përgjigj menjëherë që jo.
Aktualisht aktori i humorit është pjesë e “Klanifornia”. Ai nuk ngurroi të tregonte se i erdhi një ofertë mjaft e mirë nga programi më i ri “Kosherja”, të cilën e refuzoi duke rrëfyer se për këtë ka pasur një arsye mjaft të fortë.
“Po më ka ardhur ofertë, por nuk e pranova, sepse mendova që është një kosto për mua në lidhje me stabilitetin artistik. Kam pasur 6 vite karrierë dhe unë kam ndërruar 3 emisione. Sigurisht që është kënaqësi të punosh me Altin Bashën, Bes Kallakun dhe gjithë aktorët e Kosheres, por e gjithë kjo u bë për shkak të stabilitetit tim artistik, që për mendimin tim në 6 vite të ndërrosh 3 emisione nuk krijon një stabilitet se ku të shohin njerëzit ty vazhdimisht. Kështu që mendova që do mbarojë një cikël, ose ndoshta ai cikël nuk do vijë kurrë, sepse mund të jem gjithmonë në Klanifornia, por në një të ardhme sigurisht të gjitha ofertat janë të pranueshme, për sa kohë ne jemi kthyer si futbollistët. Unë kam pasur ofertë edhe nga ‘Portokallia’ kur kam qenë në Klan, por sapo kisha shkuar në Klan dhe sigurisht lëvizja ishte e pamundur”, tha Olsi, duke shtuar se oferta e “Kosheres” ishte goxha e majme.
