Gigi Hadid dhe Tommy Hilfiger bashkuan forcën për koleksionin e tyre të dytë së bashku. Shfaqja Pranverë 2017 e cila u mbajt në West Coast, shënonte herën e parë që marka e modës mbajti një shfaqje në Los Angeles në vend të Nju-Jorkut. Ja çfarë humbët nga shfaqja Tommy x Gigi:
1)Shfaqja u mbajt në “Tommyland” në plazhin Venice
Kjo shënoi herën e parë që Hilfiger mban një shfaqje në West Coast. Skena solli ndjenjat e karnavaleve të përziera me atë të festivalit, ushqimet vendase, lojëra dhe dyqane të përkohshme që shisnin koleksionin e ri.
2)Në mënyrë jo surprizuese, Gigi hapi dhe mbylli shfaqjen.
Në paraqitjen e parë supermodelja veshi një “crop top” të kuq, të bardhë dhe blu, pantallona lëkure dhe xhaketë sportive. Për paraqitjen finale, ajo u shfaq me një fustan të gjatë të lehtë.
3)Lady Gaga tërhoqi vëmendjen në radhën e parë.
Pas shfaqjes mahnitëse në “Super Bowl”, këngëtarja u shfaq e veshur me një trupore të zbukuruar me gurë, ndërsa tërhoqi vëmendjen edhe me datejin e bukurisë te sytë. Kris Jenner, Sofia Richie, Sereyah, Kaia Gerber dhe shumë të famshme të tjera ishin ulur në radhën e parë.
4)Performoi edhe motra Bella Hadid
Motra Bella Hadid dhe mikeshat Hailey Baldwin, Joan Smalls dhe Stella Maxwell udhëhoqën finalen duke ecur bashkë. Pjesë e modeleve që sfiluan ishin edhe Sara Sampaio, Devon Windsor, Alanna Arrington dhe Romee Strijd.
5)Veprimi emocionues i vëllait të Gigi-t.
Vëllai i vogël i modeles, Anwar Hadid, doli në pasarelë në fund të shfaqjes për t’i dhënë motrës një buqetë me lule dhe një puthje, duke e bërë momentin më të këndshëm.
— Gigi Hadid News (@GigiHadidsNews) February 9, 2017
Pas shfaqjes, Bella postoi një mesazh të ëmbël për motrën e saj në “Instagram”: “Jam shumë krenare për ty dhe gjithë arritjet e tua. Një tjetër koleksion i mrekullueshme dhe shfaqja më epike që ke parë ndonjëherë”.
6) Fergie performoi në festën pas shfaqjes.
Skena #TommyNow dukej si një Coachella e vogël, duke i futur të ftuarit në gjendjen e festivalit me muzikë, ushqim dhe pije.
Burimi: Harper’s Bazaar
