Këngëtarja shqiptare, Era Istrefi, ka publikuar edhe projektin e saj më të ri në bashkëpunim me superyllin e hip hopit, French Montana.
“Ultra Music”, kompania me të cilën ka kontratë Era, publikoi dje pasdite në kanalin e saj zyrtar të “Youtube”, klipin e ri “No I Love Yous”, i cili është xhiruar në Los Angeles.
Kënga ishte paralajmëruar një muaj më herët nga Era, duke ngjalluar interes të madh te fansat dhe tashmë, projekti i ri muzikor pritet të kalojë edhe sukseset e “Redrum”.
Megjithatë, e veçanta e klipit ishte look-u i ri i këngëtares shqiptare. Pak kohë më parë, Era ndryshoi edhe modelin e flokëve duke u shndërruar në brune, ashtu siç shfaqet edhe në klipin e ri. Ajo njihet për stilin e veçantë të veshjes dhe këtë e tregoi edhe me 3 paraqitjet e veçanta dhe provokuese në klipin e ri.
Veshja e parë ishte tipike Era Istrefi, me pantallonat e gjera me motive ushtarake por në ngjyrë të kuqe, një palë reçipeta të zeza rrjetë, dhe një palë taka të zeza.
Veshja e dytë është një kombinim bardhezi, por që thyhet me këpucët e kuqe me takë sigurisht. E veçanta janë flokët e shkurtër dhe me baluke, që janë hera e parë që Era i sjell në klip.
Paraqitja e tretë, edhe pse nuk duket mirë, e sjellë erën me flokët e saj të gjatë dhe me një veshje me dizajn gjarpri.
Një një paraqitje të katërt Era vjen më e egër, me honjtë e gjatë dhe veshje lëkure të zezë.
Kjo nuk është veshja e fundit, pasi Era bën edhe një dalje të pestë, nën sfondin e kuq dhe me lëvizje seksi, por që fatkeqësisht nuk dallohet se çfarë ka veshur përveç gjysme çizmeve me takë.
Për një çast mund të mendoni se është nudo, por për këtë nuk e vëmë “dorën në zjarr”.
Burimi: Iconstyle.al
