Vathët do të jenë aksesorët e 2018-s dhe na besoni kur ju themi se kemi gjetur modelet më në trend të verës, që do t’i shohim kudo këtë sezon.
Modele, ngjyra dhe dizajnë të ndryshëm, tani e dimë se cilët janë vathët më në zë të momentit, që duhet t’i keni patjetër në kutinë e bizhuterive.
Vathët e varur
Ditë ose natë një palë vathë joshës si këto që ka vendosur fashionista Chiara Ferragni, janë idealë për stinën e verës.
Me kristalet blu bëhet edhe më interesant kombinimi juaj. Vathët “LISANNE” nga “Swarovski” do t’i japin paraqitjes suaj një shkëlqim të sofistikuar.
Vathët rrethorë
Rrathët janë në fronin e gjithë vathëve të listës, pasi i kanë përdorur të gjithë. Meghan Markle ishte e fundit që pamë se kishte vendosur një palë vathë rrethorë me shkëlqim në ditën e dasmës.
“Swarovski” jep aksesorët perfekt të tillë. Mund të zgjidhni të mbani vathët elegantë “Fun” në përditshmëri të zbukuruar me kristale “Swarovski” për më shumë hijeshi.
Vathët me perla
Duke marrë frymëzim nga estetika dhe baleti, sidomos nga historia e Liqenit të Mjelmave, vathët “Iconic Swan” vëne në dukje hijeshinë dhe bukurinë tuaj.
Ky koleksion nga “Swarovski” sjell simbolin shumë të njohur: mjellmën që ka përfaqësuar me krenari logon e kompanisë që nga viti 1988 dhe që tani do të bëjë të njëjtën gjë me një seri bizhuterish në koleksion, përfshi këtu varëse, unaza dhe vathë.
Vathët me dizajn të lules
Vathët “Latisha” janë perfektë në çdo okazion. Një nga aksesorët “bestseller”, pra më të shiturit e momentit, janë zgjedhja e duhur për ditët e verës. Ata shkëlqejnë kurdoherë dhe janë të inspiruar nga dizajni i luleve i arritur falë teknikës ekskluzive “Pointiage” të “Swarovskit” për një shkëlqim maksimal.
Vathët gjeometrikë
Nuk ka nevojë të themi shumë për një tjetër model klasik si puna e këtyre. Vathët në formë gjeometrike “Lady Frontal” i shtojnë klas, por edhe seriozitet çdo “look”-u të mundshëm.
