Disa ditë më parë bëri xhiron e rrjetit videoja e ëmbël e Afërdita Dreshajt dhe Jakub Kindl, të cilët zbuluan në mënyrën më të bukur se po bëhen prindër për herë të parë.
Afërdita do të sjellë në jetë një djalë, ndërsa ka treguar për ndjekësit se është tepër e emocionuar dhe se e donin shumë një fëmijë.
“Po, e kishim në plan dhe ndodhi menjëherë, prandaj nuk mund ta besonim dhe ishim shumë të lumtur”, ka treguar Afërdita në një postim.
Mirëpo, për disa muaj ajo e mbajti të fshehtë lajmin e pritjes së ëmbël dhe besojeni ose jo, tashmë është 5 muajshe shtatzënë!
Teksa të gjithë presim të shohim barkun e rrumbullakosur të këngëtares, ajo vazhdon të shfaqet super fit në fotot e saj, ndërsa postimi i fundit ka tërhequr vëmendjen.
E vetmja pyetje që i bëhet Afërditës nga ndjekësit është “Ku e ke barkun?”, mirëpo duhet të dimë se asnjë shtatzëni nuk është e njëjtë me një tjetër, ndaj do ta shohim shpejt edhe barkun e saj të rrumbullakosur.
Afërdita po planifikon të bëjë lindje natyrale dhe ka treguar se deri më sot nuk e ka ndalur palestrën për shkak të shtatzënisë, sigurisht me miratimin e mjekut.
