Aktorja e njohur gjermane Meryem Uzerli, u bë tepër e famshme për publikun shqiptar me rolin e saj si “Sulltanesha Hyrrem” në serialin turk “Sulejmani i madhërishëm”.
Bukuroshja kokëkuqe është kthyer në një ndër aktoret e preferuara të vendit dhe së fundmi ka befasuar fansat e saj me lajmin e bukur!
Meryem do të bëhet nënë për herë të dytë dhe është në muajin e pestë të pritjes së ëmbël.
Këtë lajm ajo e dha në një intervistë për revistën “Zamazingo”, duke zbuluar edhe gjininë e bebushit.
Aktorja do të sjellë në jetë një tjetër vajzë, pas vajzës së saj të parë 7-vjeçare e cila quhet Lara.
“Jam 5-muajshe shtatzënë. Pres që beben ta lind në janar. Lara prej kohësh dëshironte një motër”- ka treguar Meryem.
Tashmë, aktorja është shpërngulur në Berlin të Gjermanisë, ku ka hapur edhe një bar dhe gjithashtu vazhdon të ndjekë karrierën e saj si aktore.
