Truri i meshkujve është i ndryshëm nga ai i femrave. Gjithçka zhvillohet që në mitër. Para se të lindim, truri ynë fillon të zhvillohet dhe gjatë periudhës së zhvillimit truri i meshkujve është ndikuar më shumë nga prania e testosteronit.
Nëse ke kaluar shumë kohë me një mashkull që ka natyrë tipike mashkullore, me siguri ke vënë re disa karakteristika.
Siç u tha më sipër, truri i tij nuk është ndërtuar njëlloj si i yti. Kur një djalë ekspozon një nga këto tipare, nuk është kokëfortë, i pasjellshëm ose arrogant. Ai thjesht po përdor vetëm trurin, ashtu siç është krijuar, kështu që nuk duhet të grindeni me partnerin nëse gjendeni në një nga situatat e mëposhtme.
Nuk është i vëmendshëm
Ke varur një kurorë në derën kryesore. Ai hyn nga ajo derë. Pasi e ke pyetur se si i është dukur kurora, ai del edhe një herë jashtë për ta parë. Nuk e ka vënë re fare.
I pëlqen të ketë kontroll
Edhe kur thjesht po shikoni televizor së bashku, është shumë e rëndësishme që ai të mbajë telekomandën. Nëse e mban ti, atij i duket sikur i zbehet roli i të pasurit kontroll të gjithçkaje.
Është shumë i orientuar drejt zgjidhjes
Vjen në shtëpi pas një dite të gjatë e shumë të ngarkuar. Ai dëgjon ankesat, e shikon që je e shqetësuar, e kupton se do të nxjerrësh stresin, por menjëherë fillon të mendojë për zgjidhjen duke të propozuar mënyra për “të zgjidhur problemin”. Ti dëshiron mbështetje, por ai po merret me gjetjen e një zgjidhjeje.
E harron çfarë i ke thënë
Jeni vetëm ju të dy në dhomë. Ti the diçka, por ai e ka harruar, edhe pse përgjigjja mund të ketë qenë “sigurisht”. Vëmendja ka qenë thjesht diku tjetër.
Ka vetëm një gjë në mendje
Mund të përqendrohet në kompjuter, në televizor ose në një libër, kur po përpiqesh t’i flasësh. E ndërpret disa herë për t’i kërkuar vëmendje, por kur, më në fund, merr vëmendjen e tij, tashmë ai është mërzitur.
