Vitet 1990-2000 ishin koha e grupeve muzikore. Këngët më të pëlqyera ishin ato të grupit “The Dreams” apo Ritmi i Rrugës. Por sot të gjitha këto grupe nuk janë më bashke dhe vetëm disa prej tyre ia kanë dalë të jenë të suksesshëm edhe pse jo të gjithë në muzikë.
“West Side Family”
Rolandi, Miri dhe Flori. Dikur shokë në një klase, u bënë anëtarë të një prej grupeve më të njohura muzikore të Shqipërisë, në vitet 2000. Pas suksesit të madh me këngën hit ‘Mesazh’, ata u shoqëruan në një koncert kushtuar Nënë Terezës nga një “repist” mjaft interesant, kryetari i Bashkisë së Tiranës, Edi Rama.
“The Dreams”
Pjesëtarët e grupit muzikor “The Dreams”, që u krijua në vitin 1998 ishin Flori Mumajesin , Eriost Ballushin dhe Erson Shabani (Soni). Më pas Flori u largua dhe në grupe hyri Ermal Mamaqi dhe një nga këngët më të bujshme ishte “Edhe njëherë” si dhe shumë hite të tjera.
“Spirit Voice”
“Spirit Voice” është krijuar në vitin 1997 dhe prezantimi tyre i parë ka qenë në “Festivalin e Pranverës ” 1997 me këngën “Fuoristrada”. Ky grup përbëhej nga këta anëtarë: Larisa Vrana, Dorina Tiko, Soni Malaj, Angjelina Gilardi dhe Brikel Guga. Më pas u larguan Larisa dhe Angjelina, dhe grupit iu bashkua Elia Zaharia. Por tani këngëtaret nuk janë me në grup.
Grupi “Aurora”
Grupi “Aurora”, është krijuar në vitin 2002, që solli shumë hite të zhanrit Rock Pop dhe R&B edhe pse sot nuk janë me bashkë, media nuk i ka harruar gjithashtu edhe publiku.
Ritmi i Rrugës
Ritmi i Rrugës është grup muzikor nga Kosova. Ritmi i Rrugës ishin njëri ndër grupet më të suksesshme në historinë e Hip Hop-it shqiptar. Ata filluan në vitet e 90-të në kohën kur kjo muzikë ishte e panjohur për ne.
Burimi: INtv
