Të gjithë kur mendojmë takimin e parë, qoftë femër apo mashkull, ndihemi të stresuar. Zakonisht femrat presin që mashkulli të bëjë lëvizjen e parë, por jo gjithmonë ndodh kështu.
Por çfarë gjykojnë më shumë femrat në takimin e parë me një mashkull?
1-Aparenca
Nuk bëhet fjalë për veshje të markave të njohura, por për mënyrën se si zgjidhni të prezantoni veten te të tjerët. A i rregulloni flokët? A e ndiqni modën? Të gjitha këto janë algoritme që çdo grua i qarkullon brenda vetes. Në fund të fundit, femrat duan një mashkull që edhe kur ecën në një dhomë të rrëmbejë jo vetëm vëmendjen e saj, por edhe ta perceptojnë si seksi dhe shumë burrëror. Nëse ju e keni parasysh këtë detaj, ato nuk do ta kenë të vështirë t’ju imagjinojnë se si do silleni në shtrat.
2-Përqafimi
Një përqafim ose një dhënie duarsh është shumë domethënëse sipas perceptimit femëror e që i kthen “kthetrat” në një gjest klasik për të zotëruar të gjitha situatat. Të rëndësishme janë: mënyra se si i shihni, mos humbni kontrollin, jini elegant, por jo i ashpër.
3-Shija në muzikë
Djema, edukojeni veten, jepini kulturë! Nuk është e domosdoshme të njihni çdo këngë hip-hop. Nëse i dini, mos i shfaqni pasi kjo nuk lë një përshtypje të mirë. Shumica e femrave pëlqejnë meshkujt që kanë shijet e tyre individuale, të veçanta nga të shokëve të tij. Kjo tregon se pavarësisht me kë rri ti e njeh mirë veten.
4-Aftësi në vallëzim
Gjëja e vetme që gratë duan më shumë sesa të kërcejnë vetëm është të kërcejnë me një mashkull që e mban ritmin. Është turp që shumica e djemve nuk pëlqejnë të kërcejnë, por nëse ti nuk kërcen sepse nuk di… mos u ndje keq. Gjithsesi, nëse di, vallëzo me femrën ashtu si ti di, pa e vrarë mendjen. Edhe nëse i hedh hapat ngadalë, të qëndrueshëm, një njeri i sigurt në vallëzim padyshim që i shton pikët në gjëra të tjera.
5-Komunikimi
Inteligjenca është shumë seksi. Kur jeni mjaftueshëm të pjekur aq sa të krijoni kimi dhe një bisedë të vërtetë me një femër, ato nuk do të dyshojnë për aftësitë në dhomën e gjumit. Një grua gjithmonë i mendon këto. Të dëgjosh dhe të përgjigjesh kërkon kontributin e duhur. Kjo është e gjitha që duhet për të mbajtur vëmendjen e një gruaje në bisedë. Mos e neglizho femrën, është dinake edhe në vogëlsira!
