Olsi Hajdari, i cili u helmua me bashkëshorten, vetëm 5 ditë pasi çifti ishte martuar, ka dalë nga spitali dhe tashmë ndodhet pranë familjes së tij në fshatin Xhyrë të Librazhdit.
Nga dëshmia e Olsi Hajdarit, bie poshtë pista e vetëhelmimit ose helmimit.
Ai ngre dyshime se e gjitha mund të ketë ndodhur nga çlirimi i gazit nga ngrohja që kishin në dhomën e gjumit, mangall me prush.
Pasi kanë ngrënë darkë më prindërit e Olsit, çifti kanë marrë mangall me prush, e kanë vendosur në dhomë dhe kanë rënë të flenë gjumë. Prej këtij momenti, Olsi Hajdari thotë se nuk mban mend asgjë.
Dhoma ka pasur derë e dritare të mbyllur, e dyshohet që çifti të jenë asfiksuar. Nëna e Olsit i ka shkuar në dhomë pasi askush nuk po dilte edhe pse kishte kaluar mëngjesi.
Por kur hyri, nusja kishte ndërruar jetë, ndërsa Olsi ishte në gjendje të rëndë teksa i dilte shkumë nga goja.
/Shqiptarja
