Estetisti lider Jill Kibildis nga Heyday ka zbuluar disa arsye surprizuese së përse krijohen aknet dhe si mund t’i shmangim ato. Ja përgjigjet e marra:
- Pasta e dhëmbëve
Kibildis gjithmonë i pyet klientët që kanë akne rreth pjesës së gojës nëse e lajnë fytyrën pasi lajnë dhëmbët. Shumica nuk e mbajnë mend këtë detaj por është e rëndësishme të dini se fytyra duhet larë pasi lani dhëmbët. Kjo ndodh pasi për disa pasta e dhëmbëve mund të krijojë irritime për shkak të ingridientëve që mban. Përbërës si: soda, fluori, alkoli, vaji esencial etj dëmtojnë lëkurën.
- Produktet e flokëve
Llaku, shkuma apo edhe shampot mund të përmbajnë elementë që e dëmtojnë lëkurën e fytyrës tuaj. Është gjithmonë mirë të lani fytyrën pasi rregulloni flokët, rekomandon Kibildis. Produktet e flokëve mund të shkaktojnë akne përreth fytyrës tuaj. Shumica e femrave nuk e konsiderojnë këtë, por përpiquni të mbani këto produkte larg fytyrës.
- Jastëku
Natyrisht trupi ynë përmban vajra dhe produkte që qëndrojnë gjatë natës në këllëfin e jastëkut tuaj. Ndërroni këllëfin e jastëkut tuaj të paktën njëher në javë dhe sigurohuni të përdorni të dyja anët e tij. Dushi i mbrëmjes është zgjidhje shumë e mirë.
- Aksesorët teknologjike dhe syzet
Celularët, kufjet dhe syzet mbajnë shumë baktere të cilat nuk mund të duken, nga duart apo flokët tuaj, është mirë që të kujdeseni për pastrimin e tyre rregullisht me alkol apo dezifektant që nuk do të prishë materialin e tyre.
- Make Up
Ju tashmë e dini se është shumë e rëndësishme që make up të pastrohet gjithmonë dhe 5do darkë në mënyrën e duhur. Shkaktari kryesor i akneve është make up-i i papastruar mirë dhe ky nuk është aspak një fakt surprizues.
