Të imitosh personazhet e njohura si politikanë, gazetarë apo njerëz publikë, që i njohim të gjithë dhe i shohim çdo ditë në ekran, është një punë shumë e madhe.
Jo çdo njeri ia del, por ata që e kanë bërë, sot janë aktorët më të njohur të ekranit. Në Shqipëri ka shumë aktorë, por vetëm disa prej tyre, ia kanë dalë të imitojnë personazhe publike aq mirë, saqë shpesh identifikohen me rolin e tyre.
Agron Llakaj ka qenë një ndër aktorët shqiptarë që ia ka arritur të imitojë një ndër figurat politike më të njohura në Shqipëri, kreun e PD-së, Sali Berishën.
Më poshtë do të shihni 5 aktorët që imituan në mënyrë perfekte personazhet e njohur:
Agron Llakaj-Sali Berisha
E nisi nga “Portokallia” dhe po e vijon edhe sot e kësaj ditë që ndodhet në “Al Pazar”, të imitojë Sali Berishën, pasi arrin t’i përshtatet jo vetëm nga pamja por edhe nga e folura, mimikat dhe gjestet që ka politikani i njohur.
Florjan Binaj-Edi Rama
I vetmi që i përshtatet nga gjatësia, toni i zërit dhe pamja e jashtme. Aktori Florjan Binaj ka arritur të sjellë në ekran figurën e kryeministrit shqiptar, Edi Rama dhe ka korrur sukses me këtë rol.
Rudina Dembacaj-Jozefina Topalli
Një ndër të paktat aktore që ka arritur të imitojë në mënyrë të shkëlqyer ish-kryetaren e Kuvendit, Jozefina Topalli. Rudina Dembacaj fitoi jo vetëm simpatinë e publikut me rolin e politikanes, por edhe të vetë Topallit, e cila e ka takuar shpesh herë aktoren.
Gazmend Paja- Doktori i seksit (Adem Harxhi)
Aktori tregoi se i janë dashur dy vjet që të njihej me personazhin: “Për dy vjet unë pashë shumë emisione të tij në You Tube, fola dhe me pjesëtarë të familjes së tij për të qenë shumë afër tij si personazh”. Përmes emisioneve dhe analizës së personazhit, Gaz Paja ia arriti ta sjellë në skenë dhe ia arriti qëllimit.
Rezart Veleshnja-Arian Çani
Mund të themi se është një ndër rolet më të arritura të sezonit të ri të “Portokallisë”. Rezart Veleshnja spikati që në puntatat e para të emisionit me rolin e tij si moderatori i “Zonë e lirë”, dhe ka arritur t’i “vjedhë” gjestet, batutat, dhe reflekset e trupit Arian Çanit.
Burimi: Iconstyle.al
