Po sikur papritur piloti i avionit të humbasë ndjenjat dhe të kërkohet që dikush nga pasagjerët të marrë komandën? Besoni ose jo, gati gjysma e burrave mendojnë se mund ta bëjnë!
Një sondazh i publikuar nga YouGov zbulon se rreth 46% e meshkujve amerikanë janë të bindur se, me udhëzime nga kontrollorët e fluturimeve, do ia dilnin ta ulin një avion pasagjerësh në mënyrë të sigurt.
Po çfarë thonë pilotët profesionistë për këtë vetëbesim?
Ekspertët e aviacionit shpjegojnë se realiteti është shumë më kompleks. Ulja dhe ngritja janë manovra që kryhen manualisht pothuajse në çdo fluturim, dhe sistemet automatike të uljes funksionojnë vetëm në pak avionë të pajisur posaçërisht dhe vetëm në kushte ideale.
Për të drejtuar një avion të tillë, një pilot duhet të ketë:
Vite të tëra shkollimi
Licenca të shumta profesionale
Të paktën 1,500 orë fluturimi
Një trajnim që kërkon më shumë se dy vite përgatitje intensive dhe një kosto që llogaritet në shifra gjashtëshifrore.
Pra, ndonëse ideja mund të duket heroike dhe “cinematike”, të ulësh një avion real nuk është si të luash simulator në PlayStation.
