Deri më tani nga lëkundjet e forta të tërmetit shkatërrues që është regjistruar dje, pranë ishujve Dodekanezë të Greqisë, të cilët janë edhe pranë Turqisë, janë shënuar 35 viktima dhe mbi 885 persona janë plagosur.
Në Greqi, në ishullin Samos që u prek gjithashtu nga tërmeti, vdiqën dy të rinj, adoleshentë, teksa ktheheshin nga shkolla.
Numri i shqiptarëve që kanë ndërruar jetë pas tërmetit të fuqishëm në Turqi, ka shkuar në tre. Një tjetër shqiptare nga Kosova ka ndërruar jetë së fundmi.
Bëhet fjalë për Hatixhe Dogruja 70, e cila është bashkëshortja e 73 vjeçarit, viktimë e raportuar më herët. Edhe këta të dy, njësoj si viktima e parë, janë pjesë e shqiptarëve që janë zhvendosur në Turqi në vitin 1956.
Nazmiye Doğrayan 62-vjeçe u gjet nën rrënoja me të birin dhe fatkeqësisht nuk arriti tu mbijetonte plagëve, teksa djali i saj ndodhej në gjendje të rëndë.
“Nëna dhe djali u gjetën të përqafuar në rrënoja. Nëna e kishte mbuluar djalin me trupin e saj. Djali 28-vjeç është në gjendje të rëndë për jetën”- raportuan mediat.
