Rritet në 425 numri i të vdekurve nga koronavirusi ndërkohë numri i të infektuarve ka shkuar në 20 438.
Në Hong Kong është regjistruar edhe viktima e parë nga koronavirusi dhe bëhet fjalë për një 39-vjeçar, i cili kishte udhëtuar disa ditë më parë në qendrën e shpërthimit të virusit, Wuhan.
Ndëkohë, sipas raportit të komisionit Kombëtar të Shëndetit në Kinë deri tani 635 kanë lënë spitalet në gjendje të mirë shëndetësore.
Ata u diagnostikuan me koronavirus dhe pasi morën mjekimet e duhura në spital pas ditësh janë larguar.
Në Kinë, mobilizimi kundër virusit ka qenë i jashtëzakonshëm dhe një spital i ri u ndërtua në vetëm 10 ditë për të pritur pacientë me koronavirus.
