Nëse jeni në kërkim të një pune si infermiere ky është momenti i duhur për ju.
Ditën e djeshme, kryeministri Rama prezantoi platformën e re për punësimin e infermierëve.
Sipas tij, për momentin janë 420 vende të lira pune për infermierët që do të aplikojnë në këto pozicione dhe që do t’i nënshtrohen testimit. Ndërsa ditën e sotme, Rama ka publikuar një video, lidhur me procedurën që duhet të ndjekin të gjithë të interesuarit.
“Mirëmëngjesi dhe me këtë video informuese mbi hapat e thjeshtë që duhet të merrni për tu bërë pjesë e portalit “Infermierë për Shqipërinë”, e vetmja mundësi punësimi reale në institucionet e sistemit shëndetësor sot, sipas një sistemi transparent të vlerësimit të meritës, ju uroj një ditë të mbarë”, shkruan Rama.
