Blerjet online vijojnë të zënë pjesën kryesore të të bërit pazar edhe në vendin tonë. Po me rritjen e kërkesave për të blerë online, rriten edhe mundësitë për mashtrime.
Falë rrjeteve sociale, njerëzit shpesh arrijnë t’i dallojnë mashtrimet e shumta që bëhen dhe t’i denoncojnë më pas përmes fotove, për t’i ndërgjegjësuar të tjerët të bëjnë kujdes.
I tillë është një denoncim në faqen “Dallavere.shop”, ku një vajzë ka denoncuar çmimet ekstreme që u vendosen produkteve që mund të gjenden në treg, dhe me çmim dyfish më lirë.
