Modë, pije dhe muzikë, ky është ambienti perfekt që ofron festivali “Coachella”, ku do të dëshironim të ishim të gjithë. Por disa nga këngëtaret shqiptare mundën ta shijonin, ndërsa dikush prej tyre provoi edhe ndjesinë e të krijimit të atmosferës.
Dua Lipa ndezi të gjithë vendin, ndërsa perfromroi krah Dj-it, Martin Garrix. Paraqitja e saj: reçipeta sportive të zeza dhe pantallona blu me bel poshtë, që tregonin mbathjet.
Dua i bëri të gjithë të kërcenin bashkë me të në ritmin e këngës së saj “Scared to be lonely”. Me zërin kumbues ajo dëshmoi edhe njëherë talentin përpara mijëra personave.
Bebe Rexha me stilin e saj avangard, e gjitha me të bardha dhe me detajin e thekëve, shijoi si spektatore festivalin. Por, edhe ajo u vlerësua nga “Vicotira’s Secret”, si “Këngëtarja e re me seksi” për 2017-n.
Shqiptarja e meriton plotësisht këtë çmim dhe vlerësohet jo vetëm për talentin e saj në muzikë, por edhe për asetet.
Edhe Rita Ora solli stilin e saj unik, ndërsa pozoi krah dizajnuesit të modës, Jeremy Scott. Fustani me shkëlqim me rrip në mes, i kombinuar me një kapele të bardhë solli diçka ndryshe në festë.
Ndërsa në një imazh tjetër këngëtarja me origjinë shqiptare demonstron anën e saj sensuale, ndërsa heq xhupin dhe tregon tatuazhin në krah të gjoksit.
Ndërsa ajo që mund t’ju ketë bërë çudi, ishte pjesëmarrja e Era Istrefit. Këngëtarja nga Kosova ndodhet në SHBA dhe veç projekteve për t’u shfaqur në numrin e ri të revistës “Nylon”, paralajmëroi performancën e saj në festivalin “Coachella”. Në ditën e parë Era u shfaq e gjitha e veshur me të zeza, por sytë të tërhiqnin pantallonat prej tyli.
Ndërsa në foton e publikuar të dielën Era vendosi që pantallonat nuk i duhen tashmë fare.
Përfaqësimi në festivalin e vitit nga katër këngëtaret shqiptare na bënë kaq shumë krenarë!
Burimi: Iconstyle.al
