Emergjenca Covid-19 i ka mbyllur të gjithë në shtëpi, ndaj çdokush ka gjetur kohë të merret me veten, me personat e dashur, t’i përkushtohet një pasioni apo thjesht për të krijuar një look të ri!
Këtë të fundit ka zgjedhur të bëjë moderatorja Luana Vjollca.
Teksa qëndron në shtëpi, ajo ka vendosur të bëjë një ndryshim të papritur në look dhe duket kaq ndryshe.
Luana ka prerë baluke dhe ndryshimi është pritur mjaft mirë nga ndjekësit e saj, të cilët e kanë komplimentuar pafund.
“Look i ri nga karantina”, shkruan Luana në foton ku na prezanton me ndryshimin e radhës.
Kujtojmë se moderatorja momentalisht është duke qëndruar në shtëpi, megjithatë sërish është duke punuar.
Emisioni “Take me out”, i cili pritej të niste së shpejti është anuluar për shkak të situatës së koronavirusit.
