Këngëtarja e njohur Gili, dhe bashkëshorti i saj, kompozitori Ilir Berani, janë ndër çiftet më jetëgjatë të showbiz-it shqiptar.
Ata janë bashkë prej më shumë se tre dekadash dhe të dy kanë një familje për t’u marrë shembull.
Ata kanë dy djem shumë simpatikë, të cilët deri më tani nuk kanë ndjekur rrugën e prindërve të tyre.
Ditën e sotme Gili dhe Iliri ishin të ftuarit specialë në emisionin “Rudina” dhe mes emocionesh treguan historinë e tyre të dashurisë.
Ata zbuluan se janë bashkë prej më shumë se tre dekadash dhe shkëndijat e para të dashurisë kanë nisur në bankat e shkollës.
Gili dhe Iliri theksuan se pavarësisht vështirësive ja dolën të ruajnë dashurinë si një gjë të shenjtë dhe puthjen e parë e kanë shkëmbyer në ambjentet shkollës.
Gili është pjesë e skenës së muzikës shqiptare prej shumë vitesh dhe të gjitha projektet e saj ja ka besuar bashkëshortit, i cili është kompozitor shumë i njohur.
