Një shitës i sigurimeve nga Londra është transformuar totalisht pasi humbi kilogramët e tepërt dhe rriti mjekër.
Gwilym Pugh, 33 vjeç, nga Londra, ka fituar fansa anembanë globit falë flokëve të tij të gjatë dhe të kuqe dhe madje është kontraktuar nga David Beckham si fytyra e sipërmarrjeve të tij.
Modeli i revistës GQ i lindur në Cardiff, i cili më parë drejtonte një kompani sigurimesh, shtoi peshë duke punuar nga shtëpia për shkak të lëndimit në gju.
Por ai ka rënë dhjetëra kilogramë për t’u bërë një model i suksesshëm dhe për të pozuar në revistën GQ, duke punuar me marka të njohura në të gjithë botën Belstaff, Diesel dhe Bud Light.
Duke folur për vitet e tij kur ishte mbipeshë, Gwilym, i cili themeloi biznesin e tij në vitin 2006 në moshën 21-vjeçare, tha:
“Në atë kohë unë isha shumë mbipeshë, punoja 12 orë në ditë dhe nuk mund të stërvitesha”.
“Biznesi po ecte mirë, por kisha nevojë të merrja jetën time nën kontroll”, shtoi Gwilym, i cili është gjithashtu një ambasador Vo5 për NME Awards dhe ka një të dashur të quajtur Liz.
