Marinel Veleshnja ka ndërruar jetë në spitalin e Beratit në rrethana ende të paqarta! Familjarët e 31-vjeçarit kanë akuzuar Repartin e Urgjencës në Spitalin Rajonal të Beratit, për “mjekim të pakujdesshëm”. Ata kanë nisur procedim penal ndaj mjekes së këtij reparti, Arjola Xheblati.
“Ballkanweb” raporton se ngjarja e rëndë ka ndodhur ditën e djeshme, ku i riu ka ndërruar jetë rreth 30 minuta pasi ka mbërritur në spital. Policia e qarkut Berat ka sekuestruar si provë materiale kartelën mjekësore të 31-vjeçarit dhe autopsinë që u krye në Morgun e Spitalit Rajonal të Beratit dhe e kanë dërguar çështjen për ndjekje penale në organin e Prokurorisë së rrethit të Beratit.
Ndërkohë që drejtuesit e Spitalit Rajonal Berat konfirmojnë se 31-vjeçari Marinel Veleshnja ka mbërritur në spital në gjendje të rëndë dhe pa shenja jetike. Policia ka nisur hetimet për zbardhjen e plotë të kësaj ngjarje.
Burimi: BallkanWeb
