Një 3-vjeçar në Manchester është kthyer në heroin e babait të tij. Lenny-George i shpëtoi jetën babait diabetik, duke e ushqyer me forcë me kos frutash, pasi i ati humbi ndjenjat në kuzhinën e shtëpisë.
Vogëlushi u ngjit në karrigen e tij të vogël, mori kosin e frutave në frigorifer dhe me forcë i futi ushqim në gojë 34-vjeçarit, duke i rritur nivelin e sheqerit.
Vogëlushi i dha më pas tabletat e tij të glukozës duke e shpëtuar babanë nga koma diabetike. Nëna e tij Emma u shpreh për mediat se ishte pafundësisht krenare për të birin dhe nëse ai nuk do të kishte vepruar me aq zgjuarsi, bashkëshorti i saj mund të mos ishte më me ta.
