Xhezo Ajazaj, shqiptari 31-vjeçar, i cili kishte shkuar në Gjermani tri vite më parë si refugjat, shtronte me pllaka tri banja brenda një orari pune.
“Ai është punëtori ynë më i mirë”, tha pa kohë më parë shefi i tij i punës, Martin Habeland, shkruan “bild.de”.
Ndërsa vetëm 5 ditë më parë, Ajazaj, së bashku me të shoqen, Artiolën, 29 vjeçe dhe tri vajzat e vogla (8 vjeçe, 4 vjeçe dhe 8-muajshe) janë riatdhesuar në Shqipëri në mesnatë.
Të hënën familja do të kryente një takim me zyrën e imigracionit, por senatori gjerman nuk ka pritur më gjatë dhe ka vendosur largimin e familjes.
Në orën 3 të natës, policia gjermane ka hyrë në banesë duke marrë pjesëtarët e familjes bashkë me sendet e tyre dhe i nisën drejt aeroportit Schonefeld.
Historia e familjes Ajazaj ka bërë bujë në mediat gjermane, të cilat e kanë vënë historinë e kësaj familjeje në kryetitull të gazetave.
“Xhezo është një koleg i jashtëzakonshëm, gjithmonë i zellshmëm dhe i përpiktë. Përse vallë të dëbohet pikërisht ai dhe jo ata të huaj që janë ndeshur me ligjin”, është shprehur më parë ish-shefi i tij. Habeland.
Xhezua kishte një punë të rregullt, Artiola planifikonte të ndiqte një kualifikim profesional, ndërsa fëmijët vijojnë shkollën ose kopshtin, ndërsa gjermanishten e flasin më mirë se shqipen. Integrimi pra, ishte plotësisht i suksesshëm, por megjithatë ata u dëbuan.
