Tre muaj më parë, në korrik të këtij viti, këngëtarja shumë e dashur për publikun shqiptar, Olta Boka dhe partneri i saj, Ivi Rrokaj, u bënë prindër për herë të parë. Ata u bekuan me një vajzë, të cilën e quajtën Gaia.
Gjatë kësaj kohe Olta i është përkushtuar me kohë të plotë vajzës së saj, për të siguruar një rritje sa më të shëndetshme për të.
Megjithatë ajo nuk ka lënë pas dore as veten dhe sot ka treguar se ka bërë një ndryshim drastik në pamje. Tre muaj pas lindjes së vogëlushes së saj, Olta i ka lyer flokët në ngjyrë të zezë, si asnjëherë më parë.
“Pas 3 muajsh ishte kha pë një ndryshim”, ka shkruar Olta përkrah një videoje ku tregon “look”-un e ri.
Pavarësisht se floku i saj natyral qëndron në nuancat e brunes, Oltën e kemi parë gjithmonë me flokë të verdha. Këngëtarja i ka qëndruar besnike flokut biond prej vitesh, por mesa duket ndryshimet në jetën e saj e kanë bërë që t’i kthehet stilit të vjetër.
