Ministrja e Shëndetësisë, Ogerta Manastirliu ka bërë me dije sot se rreth 3 mijë mjekë apo studentë i janë bashkuar thirrjes për të shërbyer në rast nevoje kundër COVID-19.
Përmes një postimi në Facebook, ministrja shprehet se ky është një shembull solidariteti nga profesionistët e shëndetit.
Mjekët, infermierët, farmacistët e rinj do të trajnohen në bashkëpunim me universitetet rajonale.
Nuk e dimë ende nëse të gjithë këta vullnetarë do të përfitojnë nga bonusi i premtuar nga kryeministri Edi Rama, i cili ka thënë se të gjithë infermierët dhe mjekët që shërbejnë për pacientët e prekur nga koronavirusi do të paguhen nga 1 mijë euro shtesë.
Statusi i ministres Manastirliu:
Edhe një tjetër shembull solidariteti dhe sakrifice nga profesionistët e shëndetit??
3 mijë jekë, infermierë, farmacistë, stomatologë, profesionistë të shëndetit publik dhe studentë të #mjekësisë i janë përgjigjur thirrjes së Ministrisë së Shëndetësisë dhe Mbrojtjes Sociale për të shërbyer në rast nevoje për përballimin e kësaj situate❗️
Me një organizim shembullor të strukturave të shëndetësisë dhe universitetit të Mjekësisë, në bashkëpunim me universitetet rajonale, ka nisur #trajnimi i profesionistëve të shëndetit ✅
#BashkëJaDalim
