Aktorja Leila George, gruaja e aktorit të mirënjohur, Sean Penn, ka paraqitur kërkesën për divorc pas një viti martesë. Është e paqartë për momentin pse 29-vjeçarja ka kërkuar të ndahet nga artisti, i cili ende e mban në gisht unazën e martesës.
Penn, 61 vjeç dhe George u martuan në korrik 2020, gjatë një ceremonie intime me vetëm disa të dashur të pranishëm. Thashethemet për martesën e tyre filluan të rrotulloheshin kur u panë të veshur me unaza ari. Miqtë e tyre më vonë filluan t’i përgëzojnë në Instagram para se Penn të konfirmonte lajmin.
“Ne bëmë një martesë COVID. Me këtë dua të them se ishte një komisar qarku në Zoom dhe ne ishim në shtëpi, dy fëmijët e mi dhe vëllai i saj. Dhe ne e bëmë atë në atë mënyrë,” tha aktori në Late Night with Seth Meyers, muaj më vonë
Ama aktori u fotografua herën e fundit, e të gjithë vunë re një detaj. Ai ende e mban unazën e martesës.
George ishte gruaja e tretë e Penn. Ai ka qenë i martuar me Madonna-n, nga viti 1985 deri në 1989-ën, dhe me Robin Wright nga viti 1996 deri në 2010-ën. Ai dhe Wright kanë bashkë dy fëmijë: vajzën Dylan, 30 vjeçe dhe djalin Hopper, 28 vjeç.
