Prej rreth 5 muajsh Olta Boka po shijon ndjesinë më të bukur në botë, atë të qenurit nënë. Në muajin korrik, ajo solli në jetë Gaian, vajzën e saj të parë.
Këngëtarja nuk i kursen fotot e videot me të voglën e saj dhe sigurisht ndan këshilla me ndjekëset e saj nëna, ose që do bëhen nëna.
Ditën e sotme këngëtarja ka ndarë disa video shumë emocionuese dhe domethënëse në Instastory. Ajo ka treguar pjatën dhe lugën e parë të saj dhe ato të Gaias.
Mes tyre ka 29 vite diferencë dhe është mamaja e Oltës ajo që i kishte ruajtur me kaq fanatizëm gjatë këtyre 3 dekadave.
Ky ka qenë seti im i parë. Ky tasi dhe luga që janë ruajtur prej 29 viteve. Dhe ky është seti, pjata bashkë me lugën dhe pirunin që ia ka bërë mami gati Gaias, edhe pse do pak kohë për të filluar ushqimin. Pra nga ky seti tek ky seti ka 29 vite diferencë.”- shprehet këngëtarja në video.
Javën që lamë pas një incident i ka ndodhur këngëtares, e cila pa dashje ka publikuar një video të Gaias, vajzës së saj, në Instastory. Ajo ka treguar se po bisedonte me kushërirat e saj dhe pa vetëdije e ka hedhur në këtë rrjet social videon.
Shumë e penduar nga ky veprim, ajo ka kërkuar që personat të cilët e kanë parë dhe gazetarët mos ta përdorin këtë moment që e cilëson “delikat”.
“Ishte një gabim trashanik që s’ia fal vetes, për sa kohë që kam vendosur mos ta nxjerrë vajzën në rrjetet sociale.”- ka shkruar ndër të tjera Olta.
