Ajo ka pasur një jetë të gjallë dashurie, me partnerët nga Rob Kardashian, Calvin Harris, e deri te aktori Andrew Garfield.
Megjithatë, Rita Ora pranoi se e ka shumë të vështirë të dalë me dikë për shkak të karrierës së saj muzikore.
Ndërkohë që ka nisur turneun e saj në Mbretërinë e Bashkuar të hënën, 28-vjeçarja theksoi se lidhjet nuk janë një “prioritet kryesor”.
Sa i përket lidhjes me yllin e “Spider Man” Andrew Garfield, me të cilin u nda dy muaj më parë, Rita këmbënguli se nuk ishte koha e duhur për të përjetuar një romancë.
“Është shumë e vështirë të lidhem me dikë, por përderisa është e vështirë do të thotë që nuk është koha e duhur”, u shpreh këngëtarja për “The Sun”.
“Një lidhje e re tani nuk është prioriteti im”, vijoi Rita.
Ajo tashmë është përkushtuar në karrierën e saj muzikore, pasi u raportua se iu thye zemra kur Andrew i dha fund lidhjes sepse nuk e përballonte dot presionin e të qenit në qendër të vëmendjes.
