Dita e sotme, 2 marsi përkon me Besëlidhjen e Lezhës. Në Lezhë është përkujtuar sot 579 vjetori i Besëlidhjes së Princave shqiptarë.
Me 2 mars 1444 me Skënderbeun si kryeprinci përfaqësues i shqiptarëve, ata u mblodhën në Lezhë dhe vendosën të punojnë e luftojnë për vendin.
Zyrtarë shqiptarë nga vendi dhe rajoni u mblodhën përsëri ditën e sotme në Lezhë nga ku bënë thirrje që 2 marsi të jetë festë mbarëkombëtare.
Në të ashtuquajturën Beslidhja e Lezhës u vendos lufta kundër regjimi Otoman. Si një festë mes qytetit, kjo datë historike sot bëri bashkë politikanë nga të gjitha trevat shqipfolëse, historianë, përfaqësues të institucioneve lokale dhe qytetarë të shumtë.
Edhe njëherë në fjalën e tij para lezhianëve, Kryebashkiaku i Lezhës Pjerin Ndreu përsëriti kërkesen që 2 marsi të kthehet në festë kombëtare.
“Në bëhemi bashkë duke treguar se na bashkojnë ngjarje të rëndësishme të kombit tonë, por dhe zbukuron qytetin tonë duke e bërë epiqendër të një serie aktivitetesh me qëndër Skënderbeun,” tha Pjerin Ndreu, Kryetari i Bashkisë Lezhë.
Të njëjtën kërkesë (që 2 marsi të jetë festë kombëtare) kishte edhe Paulin Zefi, Përgjegjës i Trëshëgimisë Kulturore Lezhë.
“Ka disa vite që po kërkohet që 2 marsi të shpallet festë kombëtare,” tha Paulin Zefi në fjalën e tij.
