Nëse ka një aktivitet me rëndësi në të gjithë botën dhe ku pjesë të saj bëhen emra të njohur, atëherë Aurela Hoxha do të dëshirojë të jetë pjesë e tij. “Show-girl”-i shqiptar është dalluar vitet e fundit në disa prej eventeve ndërkombëtare, mes të cilëve dhe “amFAR”, në të cilin u shfaq edhe këtë vit vetëm 6 ditë më parë.
Aurela njoftoi fillimisht pak ditë më parë se ishte ftuar në eventin “Monte-Carlo Gala”, në të cilin ishte i ftuar nderi Leonardo DiCaprio. Ndërsa të gjithë mediat shkruan se aktori hollivudian, organizonte darkën gala, në ftesë thuhet qartë, që ai do të nderojë me pjesëmarrjen e tij, ndërsa pritja për të mbledhur fonde u drejtua nga Princ Albert II i Monakos.
Ndërsa eventi ishte planifikuar për t’u mbajtur mbrëmjen e djeshme, nga postimet e Aurelës dalluam qartë, që ajo nuk kishte shkuar. Hoxha vendosi ta kalonte mbrëmjen duke bërë palestër, ndërsa mëngjesin e sotëm ishte e ftuar te emisioni “Wake up”.
E pyetur për takimin me fituesin e “Oscar”-it, ajo ka thënë se e ka takuar si gjithë të tjerët.
“Ishte një takim si gjithë të tjerët, ai nuk ishte në Javën e Modës. Pastaj debulesa e tij janë biondet, jo brunet. Kur e kam takuar kam bërë një gafë dhe vëllai im e di çfarë i thashë. Po nuk kam lënë shumë nam, përderisa vazhdoj të kem ftesa për pritjet që ai bën”, tha Aurela duke na sqaruar se kjo nuk është ftesa e vetme që merr nga DiCaprio.
Ndoshta as vet Aurela nuk e di që eventi nuk organizohej nga aktori, por ai ishte i ftuar nderi. Gjithsesi kjo është thjesht një detaj!
Burimi: Iconstyle.al
