Tre fëmijët që planifikuan vrasjen e të atit, Pëllumb Meta në Durrës kanë dalë sot para Gjykatës. Hygerta Meta ka deklaruar sërish para togave të zeza se e vrau ajo babanë. Ajo tha:
Vëllai vogël dhe nëna nuk kanë qenë në banesë në momentin e vrasjes dhe e kanë marr vesh lajmin pak më vonë.
Fillimisht ishte Hysen Meta, i cili tha se babain e vrau e motra, Hygerta Meta, ku vetëm para 3 ditësh, 25 vjeçari ka pranuar se ka qenë ai ekzekutori.
Prokuroria: Nuk kam pyetje për Hysenin sepse ai vazhdimisht ndërron qëndrim mbi ngjarjen.
Hygerta Meta: Duke qenë që ishte shumë e vështirë, frika nga policia ja lashë fajin e vrasjes vëllait. Konflikti ka nisur që në Dhjetor. I thashë jo për fejesën. Kisha frikë se nga refuzimi i fejesës do më vriste. Ai preu bombulën e gazit dhe nuk e rregulloi. Në fund të Janarit më tha sërish për fejesën. Më tha që ju nuk keni për të bërë hajër ne këtë shtëpi, kishim frikë. Ka pasur konflikte dhe me mamin, e ka goditur mamin edhe kur ka qenë në gjumë për shkak se ishte zgjuar vonë. Babi ka qenë gjithmonë agresiv. Nuk e kam denoncuar nga frika, sepse kishim frikë se na vriste. Shumë herë na ka thënë do ju vras. Ai mund të paguante edhe dikë për të na vrarë.
Gjyqtarja: Si të lindi mendimi për ta vrarë babin?
Hygerta Meta: Herë më ka thënë mamaja “ka thënë babi do ju vras” e një herë e kam dëgjuar vetë. Unë e dija që kishte armë dhe dija momentin kur vinte nga puna. Erdhi babi nga puna ra duke pushuar, ishte me kurriz dhe mora armën, ja tregova babit. Nuk më tha gjë dhe më tha ku shkon me atë armë. Kur më tha ku shkon me të, i thashë çohu në këmbë, ai iku andej. Unë e qëllova pas kësaj. Isha 2 metra larg. Jam penduar pasi e bëra. Por nuk ka kthim pas.
Amarildo Meta: Kam qenë në dijeni të ngjarjes. Kam qenë në punë. E dija që kishin konflikte. Kur unë vija në shtëpi babi ishte në shtëpi. Për fejesën e motrës më ka thanë motra jo babi.
Akuzat e ngritura ndaj 3 të rinjve:
Hysen Meta, vrasje në rrethana familjare
Hygerta Meta fshehje dhe asgjësim i kufomës
Amarildo Meta, fshehje dhe asgjesim i kufomës në bashkëpunim
