Denise Ayroldi, 18-vjeçarja me origjinë shqiptare triumfoi në “Miss Italia Lombardia”, e cila u zhvillua në qendër të “Oriocentro”. Bukuroshja shqiptare e lindur në Brescia spikati në këtë garë bukurie mes 130 konkurrenteve.
E gjatë 1.76 cm, 18-vjeçarja nga provinca Cellatica ka fituar besimin dhe votat e jurisë për bukurinë e saj.
Ayroldi vjen nga prindër italo-shqiptarë, me babin puljez dhe nënën shqiptare, por edhe pse u vlerësua për bukurinë e saj, ajo ëndërron të bëhet avokate, duke ndjekur kështu gjurmët e të atit.
Bukuroshja Denise do të përfaqësojë Lombardinë në garën kombëtare të “Miss 365”, që do të zhvillohet në muajin janar, në Romë.
Ndërkohë, edhe fituesja në fuqi e këtij kompeticioni vinte gjithashtu nga Brescia, quhet Giulia Gatta dhe fitoi “Miss Italia Lombardia 2017”.
