Ajo u bë e njohur në moshën e adoleshencës nga gjoksi i saj. Me kalimin e viteve Çiljeta Xhilaga i qëndroi tregut muzikor dhe ndihmë për të ishte fiziku. 5 shkurti është një ditë e veçantë për këngëtaren e cila feston sot 31-vjetorin, edhe për faktin që në këtë ditë ka lindur edhe djali i saj, Fernando.
“Është ditë e veçantë 5 shkurti, jo vetëm sepse është ditëlindja ime, por për një arsye më shumë. Zoti më ka dhënë në këtë ditë dhuratën më të bukur në këtë botë, djalin tim Fernando, kështu që ne festojmë dy ditëlindje. Gëzuar ditëlindjen Super Fernando-s sim dhe faleminderit Zot për këtë fëmijë të bukur dhe të shëndetshëm që më ke dhënë, të krijuar nga dashuria”, shkruan Çiljeta në profilin e saj në “Instagram”.
Duke e nisur si një prezantuese spektaklesh, Çiljeta zgjodhi muzikën për të vijuar më pas karrierën e saj, duke marrë parasysh lehtësinë që ofron tregu muzikor shqiptar. Tipi i saj i hapur, sjellja e saj disi e ashpër dhe me një fjalor të një niveli jo shumë të lartë, Çiljeta ka treguar se është shumë e dhënë pas fansave. Madje ajo shpesh u kthen përgjigje me komente në rrjetet e saj sociale, sidomos kur bëhej fjalë për komente negative.
Me kalimin e viteve në skenën shqiptare as Çiljeta nuk i rezistoi dot ndërhyrjeve kirurgjikale. Ajo ka realizuar një operacion për zvogëlimin e hundës dhe botoks për zmadhimin e buzëve, ndërkohë që dyshohet se ka realizuar edhe një lifting. Kohët e fundit u dyshua se këngëtarja mund të ketë berë zvogëlim gjoksi, por këtë fakt këngëtarja e mohoi, ndërsa tha se do ta bënte publike në momentin që do ta realizonte.
