Ajo arriti që të “pushtonte” tregun muzikor shqiptar me daljen e saj të parë, ndërsa me kalimin e viteve mbajti një profil të sajin.
Pavarësisht se këngët e saj mbeten komerciale, të rinjtë i preferojnë shumë. Elvana Gjata feston sot ditëlindjen e saj të 29-të. Për këtë ajo ka zgjedhur që ta festojë ditën më të veçantë të saj të vitit në kryeqytetin francez, në Paris.
Bashkë me këngëtaren ndodhen dy mikeshat e ngushta, prezantuesja Jonida Vokshi dhe këngëtarja Besa Kokëdhima, si dhe motra e saj Migena, e cila jeton në Gjermani, ku vijon karrierën në muzikën klasike.
Këngëtarja postoi një foto, ku shfaqej e gjitha e veshur me të kuqe, vathë me gurë të mëdhenj dhe flokët e lidhura bisht. Ajo qëndron e ulur në një prej hoteleve më luksoze të kryeqyteti francez, në “Le Meurice”, një rezidencë e shekullit të 19-të, që është kthyer tashmë në një hotel, e që ndodhet 10 minuta larg muzeut të Luvrit dhe Chapms-Elysees.
Këngëtarja pritet që shumë shpejtë të publikojë albumin e saj të tretë dhe projektin më të ri me videoklip.
E zbuluar në talent show “Ethet e së premtes”, Elvana Gjata arriti që shumë shpejt të radhitej në mesin e këngëtareve më të kërkuar sot.
Veç krijimeve muzikore Elvana pëlqehet edhe për paraqitjen e saj skenike, e cila ka ndryshuar shumë që nga fillimi i karrierës. Në fakt ajo frymëzohet nga të huajat, siç ndodh shpesh për artistët shqiptarë.
Së fundmi këngëtarja ndryshoi look me ngjyrën e saj të flokëve. Duke u inspiruar nga Kim Kardashian, Elvana realizoi stilin e saj të flokëve në ngjyrë dhe në model. Në fakt këngëtarja shqiptare është frymëzuar shpesh edhe në paraqitje nga celebrities të huaja.
